Ado da takunkumi a kasashen Afirka

Kokarin wadatar Rwanda da takunkumi

Nshimiyimana (na biyu daga hagu) tela a Rwanda, ya tabbatarwa da DW cewa ya maida hankali kan dinka takunkumi kala-kala saboda karancinsu a kasar. Nshimiyimana na kokarin sanya farashi mai sauki ga jama'a saboda halin rayuwa kana kowa ya samu dama siya.Yana sayar da duk guda a kan dala 2 da rabi, wadanda ake sayarwa a kantuna kuma ana samun su dala a kan dala 2 kacal.

Ado da takunkumi a kasashen Afirka

Nau'ikan kaloli mabanbanta a Laberiya

Masana'antar dinka kayan kwalliya da ke Laberiya wato Bombchel na taimakawa ma'aikata mata su tsaya da kafarsu ta hanyar basu horo wajen dinkin kayan mata. Ana amfani da wasu kayan a dinka takunkumi kamar yadda aka gani a hoton wannan matar da ke sama. Idan aka sayi guda sai a bada kyautar daya ga wanda ba zai iya zama a gida.

Ado da takunkumi a kasashen Afirka

Takunkumi mai daukar ido a Kenya

Mai sana'ar dinkin kayan kwalliya a Kenya David Avido da ya kirkiri salon sunan nan na ''looklike avido'', ya sanya takunkumi da ya dinka da kansa, wanda ya samar daga ragowar kayan da aka dinka.Tun farkon bullar coronavirus a Kenya a watan Maris, ya dinka takunkumi fiye da dubu 10 kyauta ga jama'ar unguwannin cikin kwaryar birnin Nairobi.

Ado da takunkumi a kasashen Afirka

Ya, da kanwa gwanyen ado a Kamaru

Ange Goufack (a bangaren hagu) da kanwarta Edmonde Kennang (a bangaren dama) suna dinka kyallayen rufe hanci masu ban sha'awa a Kamaru, su rike shi da roba ta gafe da gefe. Tun 13 ga watan Afrilu, gwamnati ta maida sanya takunkumin na hanci doka a kan kowa kafin fita bainar jama'a domin rage yaduwar cutar.

Ado da takunkumi a kasashen Afirka

Tallafin takunkumi ga Asibitoci a Tunisiya

A lokacin da coronavirus ta bulla a kan tuntubi mai sana'ar dinka kayan kwalliya ta Tunisiya Myriam Riza a cibiyarta na Miss Anais label daga asibitoci masu fama da karancin takunkumi kan ko za ta iya samar da su. Tana samar da takunkumi ne ta hanyar dinka su daga kayan tallafi kuma tana ba da su ne a matsayin tallafi. Domin rage wannan nauyi, yanzu haka Riza na sayarwa abokan huldarta.

Mawallafi: Verena Greb (AAI)

Bundesliga: Cinikin 'yan wasa mafi tsada a tarihi

Lucas Hernandez

Kungiyar Bayern Munich ta kara azama a sayan dan wasa Lucas Hernandez a farkon shekarar 2019, inda ta zuba zunzurutun kudade na Euro miliyan 80 don siyo mai tsaron bayan daga kungiyarsa ta Atletico Madrid, wannan ya sa ya kasance dan wasa mafi tsada a kungiyoyin gasar Bundesliga.

Bundesliga: Cinikin 'yan wasa mafi tsada a tarihi

Kevin De Bruyne

Kakar wasan Bundesliga ta shekarar 2015/2016 ta soma da cinikin dan wasa mai armashi. Dan wasan mai cike da basira ya bar kungiyar Wolfsburg inda ya koma Manchester City kan kudi Euro miliyan 74. Babu wata kungiya a Jamus da ta taba samun irin wannan kudin a cinikin dan wasa a wancan lokacin. Yanzu De Bruyne ya kasance daya daga cikin fitattun 'yan wasa na gasar Premier.

Bundesliga: Cinikin 'yan wasa mafi tsada a tarihi

Naby Keita

Kungiyar RB Leipzig ta siyo Keita a kan kudi Euro miliyan 15 daga Salzburg. Sai dai kash! Bai dade ba a Jamus kafin kungiyar Liverpool ta yi wuf da shi a kan kudi Euro miliyan 70. Ba karamar riba ba ce ga Keita.

Bundesliga: Cinikin 'yan wasa mafi tsada a tarihi

Timo Werner

Gwanin zura kwallo a raga na Jamus ya kasance wanda masu horas da 'yan wasa ke rige-rige a kai. Bayern Munich da Liverpool sune a sahun gaba a kungiyoyin da ke zawarcinsa, sai dai kafin ka ce kwabo kungiyar Chelsea ta kamalla cinikin dan wasan kan kudi Euro miliyan 53. Hakika ya taka rawar gani a tsohuwar kungiyarsa ta RB Leipzig inda yanzu ya bar wagegen gibi.

Bundesliga: Cinikin 'yan wasa mafi tsada a tarihi

Leroy Sane

Jita-jita kan zai koma murza leda a kungiyar Bayern Munich, sai dai a wani yanayi na ba-zata, Sane ya bar kungiyar Schalke na Jamus zuwa Manchester City a Ingila a shekarar 2016. Rahotanni sun nunar da yadda aka biya kimanin Euro miliyan 50 a wannan ciniki.

Bundesliga: Cinikin 'yan wasa mafi tsada a tarihi

Granit Xhaka

Dan kasar Switzerland Granit Xhaka ya koma Borussia Mönchengladbach a shekarar 2012, kafin a sayar da shi ga kungiyar Arsenal a kan Euro 45. Ba yabo ba fallasa a rawar da yake ci gaba da takawa a gasar Premier ta Ingila.

Bundesliga: Cinikin 'yan wasa mafi tsada a tarihi

Julian Draxler

A bazarar shekarar 2016 ya bar kungiyar Wolfsburg ya koma kungiyar Schalke, amma jim kadan ya yanke shawarar raba gari da kungiyar. Sai a watan Janairu ya sami biyan bukata, ya koma taka leda a kungiyar PSG ta kasar Faransa kan kudi Euro miliyan 40. Ana ganin Wolfsburg ta tafka asara ganin ta siyo dan wasan a kan Euro miliyan 43.

Bundesliga: Cinikin 'yan wasa mafi tsada a tarihi

Henrikh Mkhitaryan

Ko mene ne dalilin shugaban kungiyar Borussia Dortmund Hans-Joachim Watzke na zura wa dan wasan idanu? Daga kungiyar Shakhtar Donestsk ya koma Dortmund a kan Euro miliyan 27.5 a shekarar 2013, daga nan aka sayar da dan wasan ga Manchester United a kan Euro miliyan 42 bayan nan ya koma taka leda a Arsenal yanzu an bayar da shi aro ga kungiyar Roma.

Bundesliga: Cinikin 'yan wasa mafi tsada a tarihi

Corentin Tolisso

Bayern Munich ta siyo dan wasan tsakiya na Faransa da ke wa kungiyar Lyon wasa, Corentin Tolisso a kan kudi Euro miliyan 41.5 a watan Yunin shekarar 2017. A lokacin shi ne dan wasa mafi tsada da aka taba siyo shi zuwa buga gasar Bundesliga ta Jamus.

Bundesliga: Cinikin 'yan wasa mafi tsada a tarihi

Roberto Firmino

A cikin kankanin lokaci dan Brazil Roberto Firmino ya kasance dan wasa a gasar Bundesliga mafi tsada. A shekarar 2015, Liverpool ta biya Hoffenheim Euro miliyan 41 a cinikin dan wasan. Ga dukkan alamu hakar ta cimma ruwa ganin jerin nasarorin da kungiyar ta samu sai a ce Firmino ya ci kudinsa.

Bundesliga: Cinikin 'yan wasa mafi tsada a tarihi

Javi Martinez

Bayern Munich ta zuba Euro miliyan 40 don siyan Javi Martinez daga Athletic Bilbao. Bayern ba ta yi nadama ba, don kuwa Martinez ya taimaka wa kungiyar a nasarorin da ta samu a lashe gasar Bundesliga sau da dama.

Mawallafi: Matt Pearson (RGB/MNA)